lipu ni li sin ala.
lipu Wikipesija li tawa tan ma Fandom tawa ma sin. o lukin e lipu ni lon ma sin.
This is an old article.
lipu Wikipesija has moved from Fandom to a new site. The current version of this article can be found here on the new site.
kala li ijo lon pi tawa telo. kala mute li kama jo e kon tan telo. kala mute li jo e kiwen sijelo li pali ala e seli tan sijelo ona. taso ni li lon ala tawa kala ale. kala li lon telo mute. ona li ken lon telo suli li ken lon telo linja li ken lon telo lili.
moku la kala li suli tawa jan. jan li kama jo e kala kepeken nasin mute. nasin wan li ilo palisa linja.
ilo palisa linja
nasin ante la jan li ken kama jo e kala kepeken palisa utala anu len suli. nasin mute li lon.
jan li kama jo e kala mute. ni li ken pali e ijo ike tawa kulupu kala. mute pi kala ale li kama lili lon tenpo kama tan ni:
1.) jan li moku mute e kala.
2.) jan li kama jo mute e kala.
3.) jaki li lon telo. jaki ni li ken pakala e tomo kala. tomo tawa suli telo li ken pakala e tomo kala kin.
(tan ante li lon.)
nasin sewi mute la kala li sitelen suli.
nasin Kolisu la kala li sitelen pi jan Jesu.
nasin Puta la kala li sitelen pi pilin pona li sitelen pi poki ala.
