tenpo pini mute la jan Alekanto suli li jan lawa pi ma Maketonija. mama mije ona li jan lawa Pilipo nampa tu en mama meli ona li jan lawa Olinpija. jan li toki kin e ni: mama mije pi jan Alekanto li jan sewi. jan pi pana sona tawa jan Alekanto li jan Awitotele. 

jan Alekanto li olin e utala. ona li jan lawa pi jan utala li utala lon ma Elena, ma Tuki, ma Ilan, ma Lunpan, ma Palata en ma ante mute. jan Alekanto li lon ma Palata la ona toki e ni: mi wile tawa pini ma. taso jan utala ona li wile ala e ni. ona mute li pilin e ni: ma Palata li ike tan ni: telo mute mute li kama tan sewi. ona mute li tawa tomo. tenpo ni la jan utala mute li moli.

tenpo kama tan ni la jan Alekanto li lon ma tomo Papilon. ona li wile tawa ma Tunisi taso ona li pilin ike li moli. jan Alekanto li moli la ma ona li suli mute mute. taso jan ala li sona e ni: tenpo ni la jan seme li lawa e ma pi jan Alekanto? jan utala suli mute li wile lawa e ma. ona mute li moli e kulupu mama pi jan Alekanto.

Community content is available under CC-BY-SA unless otherwise noted.