jan Jesuwa pi ma Nasawe (nimi ante li jan Jesu) li jan pi tenpo pini mute. ona li sona mute mute.
jan mute li pilin e ni: jan Jesuwa li jan sewi suli. jan ni li jan pi nasin sewi Kolisu.
jan Mate en jan Mako en jan Luke en jan San li toki pi jan Jesuwa lon lipu sewi Pipija. jan Jesuwa li jan sewi tawa ona mute.
jan Jesuwa li toki e toki pona ni: lawa pi jan sewi li kama; jan sewi li lawa e ma ali. lipu sewi Pipija la jan Jesuwa li jan lili pi jan sewi li lawa ali.
jan Jesuwa li pali e pona mute lon ma Juta. taso, jan lawa ma Juta en jan lawa ma Loma li moli e jan Jesuwa lon ilo moli pi palisa tu. ona mute li moli e jan Jesuwa tan toki pona ona.
lipu sewi Pipija la jan mute toki e ni: jan Jesuwa li moli. taso, tenpo suno tu wan pini la jan Jesuwa li kama tan moli li pona sin. ona li toki tawa jan pona ona li tawa sewi lon poka jan sewi. tanpo kama la ona li kama sin tawa ma.
| あ▶︎A |