jan Jesu pi ma Nala (nimi ante pi toki Iwisi li Jesuwa) li jan pi tenpo pini mute. ona li sona mute.
jan mute li pilin e ni: jan Jesu li sewi. jan ni li jan pi nasin sewi Kolisu.
jan Matejo en jan Mako en jan Luka en jan Jowani li toki pi jan Jesu lon lipu sewi Pipija. jan Jesuwa li sewi tawa ona mute.
jan Jesu li toki e toki pona ni: lawa sewi li kama lon ma; sewi li lawa e ma ale. lipu sewi Pipija la jan Jesu li jan lili sewi li lawa ale.
jan Jesu li pali e pona mute lon ma Juta. taso jan lawa pi ma Juta en jan lawa pi ma Loma li moli e jan Jesu lon ilo moli pi palisa tu. ona mute li moli e jan Jesu tan toki pona ona.
lipu sewi Pipija la jan mute toki e ni: jan Jesu li moli. taso tenpo suno tu wan li pini la jan Jesu li kama tan moli li kama lon sin. ona li toki tawa jan pona ona li tawa sewi. tenpo kama la ona li kama sin tawa ma.
| あ▶︎A |