jan Male li mije tan ma Seki. toki Seki la nimi ona li Marek.
ona li jan pi toki pona li sona e toki Seki e toki Inli e toki Tosi e toki Epelanto e toki ante kin.
ni li pona tawa ona: pali pi ilo nanpa en toki ante mute en tenpo pini pi kulupu mama.
ona li jo e lipu lon toki Seki e lipu lon toki pona.
ona li pana e lipu pi kama sona pi toki pona tawa toki Epelanto tan toki Epanja. jan Wena li pali e lipu tokipona.info tan lipu ni.
tenpo pi nanpa mute la jan Male li pana sona e toki pona tawa jan Epelanto lon ni: kama kulupu Ijoko lon tenpo sike 2006 lon ma tomo Salajepo en kama kulupu Iso lon tenpo sike 2005/2006 lon ma tomo Santen lon ma Tosi en kama sona pi toki Epelanto lon tenpo seli.
Community content is available under CC-BY-SA unless otherwise noted.
