lipu ni li sin ala.
lipu Wikipesija li tawa tan ma Fandom tawa ma sin. o lukin e lipu ni lon ma sin.
This is an old article.
lipu Wikipesija has moved from Fandom to a new site. The current version of this article can be found here on the new site.
kalama lili li wan pi toki jan. nimi ali pi toki jan li jo e kalama lili wan anu mute. jan li ante e kalama lili wan tawa nimi la, nimi ni li kama nimi ante. ken la, "kute" en "kule" li sama ala, anu "ala" en "ale" li sama ala.
toki pona li jo e kalama lili luka luka tu tu: a, e, i, o, u; p, t, k; s; m, n; l, j, w. toki ante mute li jo e kalama lili mute. toki ante mute lili li jo e kalama lili mute lili.
toki pona la kalama lili ale li jo e sitelen lili wan. toki ante la, sitelen lili wan li ken jo e kalama lili mute. toki Inli la, sitelen lili "a" li kalama lili /æ/ lon nimi back, li kalama lili sama /ei/ lon nimi name. toki ante la, kalama lili wan li ken jo e sitelen lili mute. toki Kanse la, kalama lili /o/ li sitelen "au" anu "aux" anu "o" lon nimi ante.
sona pi kalama lili li sona pi kalama toki.
jan li tu e kalama lili ale. ni li kalama lili tawa (a, e, i, o, u) li kalama lili awen (p, t, k; s; m, n; l, j, w). sina toki e kalama lili tawa la uta sina li open. sina toki e kalama lili awen la uta sina li open ala.
| あ▶︎A |