kasi pi moku pipi anu kasi pi alasa pipi li kasi li pali e ni: pipi anu akesi lili li pilin e ona la kasi ni li moku e ona.

kasi ni li pali e ni tan ni: ma li ike li telo li jo ala e moku.

kasi pi moku pipi li mute li ante. kasi li tawa. kasi ante li tawa ala.

kasi pi poki telo[o ante | edit source]

kasi pi poki telo

kasi pi poki telo li jo e poki. poki ni li jo e telo lon insa ona li alasa e pipi.

selo poki li jo e ko suwi. ko ni li pona tawa pipi li kama e ni: pipi li tawa poki. pipi ni li kama moli telo lon poki telo.

tenpo pini la poki ni li lipu kasi. ona li kama ante li kama lipu kasi poki.

kasi pi linja ko[o ante | edit source]

kasi pi linja ko

kasi pi linja ko li jo e ko lon linja ona. ko ni li pali e ni: pipi li pilin e ona la pipi li ken ala tawa. linja li tawa pipi li sike e ona. pipi li moli li kama telo. kasi li moku e telo ni kepeken selo ona.

kasi pi poki alasa[o ante | edit source]

kasi pi poki alasa

kasi ni li jo e poki. tenpo pona la poki ni li open. linja pilin li lon insa poki ni. pipi li kama li pilin e linja ni la poki li pini e pipi lon insa ona. kasi li moku e telo pipi. moku pini la poki li open li pana e sijelo pipi pi telo ala.

tenpo pini la poki ni li lipu kasi. ona li kama ante li kama lipu kasi poki.

Community content is available under CC-BY-SA unless otherwise noted.