lipu ni li sin ala.
lipu Wikipesija li tawa tan ma Fandom tawa ma sin. o lukin e lipu ni lon ma sin.
This is an old article.
lipu Wikipesija has moved from Fandom to a new site. The current version of this article can be found here on the new site.
kasi pi moku pipi anu kasi pi alasa pipi li kasi li pali e ni: pipi anu akesi lili li pilin e ona la kasi ni li moku e ona.
kasi ni li pali e ni tan ni: ma li ike li telo li jo ala e moku.
kasi pi moku pipi li mute li ante. kasi li tawa. kasi ante li tawa ala.
kasi pi poki telo[]
kasi pi poki telo
kasi pi poki telo li jo e poki. poki ni li jo e telo lon insa ona li alasa e pipi.
selo poki li jo e ko suwi. ko ni li pona tawa pipi li kama e ni: pipi li tawa poki. pipi ni li kama moli telo lon poki telo.
tenpo pini la poki ni li lipu kasi. ona li kama ante li kama lipu kasi poki.
kasi pi linja ko[]
kasi pi linja ko
kasi pi linja ko li jo e ko lon linja ona. ko ni li pali e ni: pipi li pilin e ona la pipi li ken ala tawa. linja li tawa pipi li sike e ona. pipi li moli li kama telo. kasi li moku e telo ni kepeken selo ona.
kasi pi poki alasa[]
kasi pi poki alasa
kasi ni li jo e poki. tenpo pona la poki ni li open. linja pilin li lon insa poki ni. pipi li kama li pilin e linja ni la poki li pini e pipi lon insa ona. kasi li moku e telo pipi. moku pini la poki li open li pana e sijelo pipi pi telo ala.
tenpo pini la poki ni li lipu kasi. ona li kama ante li kama lipu kasi poki.