kasi suli

kasi suli li kasi li jo e palisa kasi e lipu kasi e linja kasi ma. ona li ken sike e suno lon tenpo mute.

kasi suli li mute li lukin ante.

kasi ni mute li lon ma sama la ni li ma pi kasi suli.

wan[o ante | edit source]

linja kasi ma[o ante | edit source]

linja kasi ma lon selo ma

linja ni li awen e kasi lon ma. kin la ona li kama jo e moku lon ma li tawa e moku ni tawa wan kasi ante.

palisa kasi[o ante | edit source]

selo kasi lon palisa kasi

palisa ni li wile e ni: lipu kasi lon palisa lili li lon sewi li jo e suno. ona li wile kin e ni: kasi ante li kama jo ala e suno.

insa palisa li tawa e moku tan linja tawa lipu li tawa e moku tan lipu tawa linja.

selo kasi li awen e telo lon kasi li kama e ni: soweli li moku ala e kasi. kasi li kama suli la selo li kama kiwen li weka lili.

sike kasi

jan li kipisi e palisa la ona li ken lukin e sike kasi. kasi li sike e suno lon tenpo wan la sike wan sin li kama. sike li jo e wan tu. wan pi tenpo lete li suli li walo. wan pi tenpo lete mute li lili li pimeja. jan pi sona kasi li ken sona e ijo pi tenpo pini tan lukin e sike ni. tenpo pi telo mute la sike li kama suli. tenpo pi telo lili la sike li kama lili.

lipu kasi[o ante | edit source]

lipu kasi

lipu ni li kama jo e kon ike e telo e suno li pana e ijo suwi e kon pona. kasi li kepeken ijo suwi ni li suli e linja e lipu sin ona. soweli li kepeken kon pona ni li pana e kon ike.

tenpo lete la lipu li ken kama kule li anpa. ma seli la kasi li anpa ala e lipu.

soweli en pipi li moku e lipu tan ni: lipu li jo e moku pona.

Community content is available under CC-BY-SA unless otherwise noted.