jan Sami li kulupu jan. kulupu jan ni li toki e toki mute ante. ona li toki e toki Sami seli, e toki Sami Ume, e toki Sami Pite, e toki Sami Lule, e toki Sami lete, e toki Sami Kion, e toki Sami Inali, e toki Sami Kitin, e toki Sami Te. jan Sami li lon lete pi ma Wensa en ma Nosiki en ma Sumi en ma Losi. jan Sami seli li lon ma Wensa seli. pali pi jan Sami li jan jo e soweli, li jan jo e kala, li jan pali e ijo. jo e soweli li tawa jan Sami taso lon ma Wensa en ma Nosiki en ma Sumi.
Advertisement