lawa li wan pi sijelo jan. lawa la lukin en nena en nena kute en linja en uta li lon. kepeken lawa la jan li ken lukin li ken moku. jan li pali e ale tan lawa. jan li jo ala e lawa la jan li moli.

soweli en akesi en waso en pipi li jo kin e lawa. pipi taso li jo ala e lawa la ona li ken moli ala li awen tawa.

lawa la sinpin jan li suli tawa jan mute. jan mute li pilin e ni: sinpin lawa mi li lukin pona ala la jan ante li pilin ike tawa mi. taso jan li sona mute e kon la selo lawa li lili.

kulupu jan la jan wan li ken pilin e ni: mi wile pali sama lawa. jan ni li jan lawa. jan lawa li toki e jan ante: o pali sama toki mi. jan lawa li sona li pona la kupulu jan li ken pona e mute. taso jan lawa li ike la kulupu jan li pakala mute mute.

lawa li lawa e ale.

Community content is available under CC-BY-SA unless otherwise noted.