Wikipesija

lipu Wikipesija sin li lon wikipesija.org.

New Toki Pona Wiki is now at wikipesija.org.

Nova tokipona Vikio estas nun je wikipesija.org.

READ MORE

Wikipesija
Advertisement

Vorschriftszeichen 24.svg

lipu ni li sin ala.
lipu Wikipesija li tawa tan ma Fandom tawa ma sin. o lukin e lipu ni lon ma sin.

This is an old article.
lipu Wikipesija has moved from Fandom to a new site. The current version of this article can be found here on the new site.


lipu pi jan lili li lipu musi. jan Toliken li pali e ona.

jan Toliken la selo lipu pi jan lili.

lipu ni li seme?[]

jan lili Pilpo Pekin (Bilbo Baggins) li lon tomo ona. tenpo wan la jan sona Kental (Gendalf) li kama poka kulupu pi jan lili wawa. jan lili wawa pi lawa li toki e ni tawa jan Pilpo: "monsuta Samuk (Smaug) li weka e mi mute tan tomo mi! mi wile utala e ona!" kulupu li wile e jan open. jan Kental li sona e ni: jan Pilpo li jan open pona.

jan sitelen Sojel Li la sitelen pi jan Pilpo en jan Kental

kulupu li tawa la jan monsuta li jo e kulupu. taso jan Kental li awen e kulupa kepeken ni: ona li awen e ni: suno li kama la monsuta li kama kiwen. jan Tolin en jan Kental li kama jo e ilo utala lon tomo monsuta. jan Pilpo li kin jo e ilo utala. tenpo kama la kulupu li kama ma Liwente. jan lawa li awen e jan kama.

kulupu li tawa nena la kulupu li tawa monsuta jan. jan Kental li awen e kulupu. jan Pilpo li tawa poka kulupu ala. ona li kama jo e sike luka li kama jan Kolun (Gollum). jan Kolun li musi poka jan Pilpo. jan Pilpo li musi pona la jan Kolun li sona e nasin pona tawa jan Pilpo. jan Pilpo li musi ike la jan Kolun li moku e ona. jan Kolun li sona e ni: jan Pilpo li jo e sike ona. jan Kolun li utala e jan Pilpo. taso jan Pilpo li kama kule ala li tawa tan tomo ike ni. tenpo kama la ona li kama kulupu ona. monsuta li utala. waso wawa suli li awen e kulupu.

kulupu li kama tomo pi jan Pejon (Beorn). jan Pejon li ken kama soweli suli.

utala pi kulupu utala luka la sitelen pi jan Pejon

 ona li tawa e kulupu tawa ma kasi. jan Kental li weka e kulupu tan pali lawa. ma kasi la kulupu li kama ike tan monsuta. taso jan Pilpo li awen e ali kepeken sike ona.

kulupu li kama ma tomo pi telo li kin tawa li kama nena taso. jan lili li tawa tomo pi monsuta Samuk li kama jo e poki lawa. monsuta Samuk li kama jan Pilpo la ona li toki sama. monsuta li sona e ni: ma tomo pi telo li pana e pona tawa kulupu. monsuta li seli e ma tomo. jan utala li moli e monsuta Samuk.

jan lili wawa li jo ali e ma ona. jan ante li kama li wile e mani tan jan Tolin. jan Tolin li pana ala e mani. jan Pilpo li pana e kiwen pona tawa jan la jan Tolin li weka e jan Pilpo tan kulupu ona.

monsuta mute li kama la utala li kama. utala ni li utala pi kulupa utala luka. waso wawa suli en jan Pejon li kama la jan li pini e utala. taso jan mute li moli. jan Tolin en jan lili ona li moli.

pini la jan Pilpo li kama tomo ona poka mani lili.

seme sin li kama tan lipu ni?[]

tenpo sike 1997 la sitelen tawa musi pi jan lili Toliken

tenpo sike 1997 la sitelen tawa musi li kama. jan Atulu Wankin en jan Suli Pas li pali e ona. sitelen tawa li jo e ijo pona Piposi e ijo pona Kuko tan ni: sitelen ni li pona. jan pi nena kute nasa pi ma kasi li jo e selo pi laso jelo tan ni: kulupu pi jan sitelen pi ma Nijon li pali e ni. sitelen ni li sama lipu Toliken. taso ante lili li lon kin.

tenpo sike 2012 la sitelen tawa pi jan lili Toliken pi nanpa wan

tenpo sike 2013 la sitelen tawa pi jan lili Toliken

tenpo sike 2014 la sitelen tawa pi jan lili Toliken pi nanpa tu wan

jan Pite Tekon li pali e sitelen tawa pi wan tu: tenpo sike 2012 la sitelen tawa pi jan lili Toliken pi nanpa wan en tenpo sike 2013 la sitelen tawa pi jan lili Toliken pi nanpa tu en tenpo sike 2014 la sitelen tawa pi jan lili Toliken pi nanpa tu wan. sitelen tawa ali ni li pona li musi.

tenpo sike 2003 la musi pi jan lili Toliken li kama. musi ni li musi mute.

tenpo sike 2003 la musi pi jan lili Toliken

Advertisement