ma Epanja li lon ma Elopa. toki Epanja la nimi ona li "España". ona li poka ma Potuke li poka ma Kanse.
jan nanpa wan li jan Ipelo (Íberos) lon ma Epanja. tenpo pini mute mute la ona li kama lon ma ni tan ma Apika. ona li awen lon tan suno pi ma Epanja lon ma suli pi ma ni. tenpo pini mute mute la jan ante li kin lon ma Epanja. nimi ona li jan Esuka. toki Esuka li ala toki Palato-elopa.
jan pi lon tan suno li pali e ma tomo pi Kadi (Cádiz).
tenpo suno kama mute mute la kulupu jan pi ma tomo Loma li kama lon ma Epanja. ona li pana kin e toki Lasina tawa jan Epanja.
kulupu jan pi lon ma Tosi li kama la ona li awen lon ni. ma tomo lawa ona li ma tomo Toleto. jan Alapi li utala e ona li lawa e ma Epanja. ma tomo lawa ona li ma tomo Toleto li ma tomo Kolotopa (Córdoba).
tenpo mute la jan pi lon sewi ma Epanja li utala e jan Alapi. ona li jan pi nasin sewi Kolisu. tenpo suno kama mute mute la ona li lawa e ma ni. ona li jo e ma lawa tu wan : ma Alakon e ma Napala e ma Kasitija. (Aragón, Navarra, Castilla)
jan lawa pi ma Alakon en jan lawa pi ma Kasitija li wan e ma ona. ma Epanja li lon. tenpo kama ante la jan Pilipo pi nanpa tu li pali e ni : ma tomo Mateli (Madrid) li ma tomo lawa pi ma Epanja.
| あ▶︎A |
af - ast - ca - cs - cy - da - de - en - eo - es - et - fi - fr - fy - gl - he - hu - ia - io - is - it - ja - la - lt - minnan - ms - na - nah - nds - nl - no - pl - pt - ro - simple - sl - sr - sv - th - tr |