len ma pi ma Keposi

lipu ma pi ma Keposi pi ma Kusikipi

ma Keposi li ma lon ma Asija. taso ma li sama ma Elopa. ma tomo lawa pi ma Keposi li ma tomo Lekosija.

tenpo pini[o ante | edit source]

toki pi sin ala la jan sewi Aphrodite li jan pi ma Keposi. jan sewi Aphrodite li jan sewi olin.

tenpo pini la ma Keposi li ma pi ma Juke lon 1878. ona li ma pi ma Juke ala lon tenpo sike 1960. tenpo ni la ma Juke li jo ma lili tu lon ma Keposi. ona li ma Akrotiri li ma Tekelija li ma tomo utala.

ma Keposi li tu lon tenpo sike 1974. ma Keposi li jo e kulupu tu. ona li kulupu Elinokipijowi li kulupu Kipitukeleli. kulupu Elinokipijowi li toki e toki Elena li pilin e nasin sewi Kolisu. toki Elena la nimi kulupu li Ελληνοκύπριοι. kulupu Kipitukeleli li toki e toki Tuki li pilin e nasin sewi Silami. toki Tuki la nimi kulupu li Kıbrıs Türkleri. kulupu Kipitukeleli li pali e ma Kusikipi lon ma Keposi.

kulupu lawa pi ma Keposi li wile sona e ni lon tenpo sike 2004: jan pi ma Keposi li wile ala wile ni: ma Keposi en ma Kusikipi li ma wan. jan pi ma Keposi li toki e ni: mi wile ala e ni.

ma Keposi li ma pi kulupu Elopa wan lon 2004 li kepeken e mani Elo.

anpa[o ante | edit source]

ma Keposi li jo e nena mute. nena pi suli mute mute li nena Olinpo. ma Keposi li jo e ma mute pi kasi suli.


Community content is available under CC-BY-SA unless otherwise noted.