FANDOM


tenpo pini la, ma Osuman li lon ma Asija en ma Elopa en ma Apika.

kulupu lawaEdit

open la, mije lawa Osuman en kulupu ona li jo e ma lili. taso ona li utala li anpa e ma mute li suli e ma Osuman. kulupu lawa Osuman li awen lon tenpo suli mute. mije lawa li moli la, jan lili ona li kama jo e wawa.

tenpo suno wan la, kulupu mije utala pi kulupu Osuman li anpa e ma tomo Isanpu. ona li kama ma lawa. kulupu Osuman li weka e kulupu Pisansi.

tenpo li tawa. kulupu Osuman li wawa ala. mije lawa ona li wile ante e nasin lawa li wile jo e kulupu sin pona.

utala suli pi ma ali li kama. jan pi ma Osuman li utala lon poka jan pi ma Tosi. ona tu li pakala. jan mute li moli. ma mute li weka.

kulupu lawa Tuki li kama lon la, kulupu Osuman li pini.

kulupu janEdit

jan pi ma Osuman li jo e nasin sewi mute. taso nasin sewi Silami li suli ali. jan pi nasin ante li pana e mani tawa kulupu lawa la, ona li ken awen kepeken nasin sewi ona.

jan pi ma Osuman li sama jan pi kulupu ali li pali e ijo mute. jan li suli e kili e soweli. jan ante li esun. jan ante li utala. jan ante li sitelen e lipu. jan ante li alasa e kala. kulupu lawa Osuman li kama jo e mani mute tan ni: jan mute li pana e mani tawa ona.

toki lawa pi ma Osuman li toki Tuki. jan li sitelen e ona kepeken sitelen Alapi. tenpo li tawa la, toki li ante. sitelen kin li ante.

Community content is available under CC-BY-SA unless otherwise noted.