ma Pilipina
Pilipinas (toki Pilipina en toki Pisaja)
The Philippines (toki Inli)
FIlipinas (toki Iloko en toki Tapakano)
len Pilipina.svg sitelen Pilipina.svg
kulupu nimi lawa:
"Maka-Diyos, Maka-tao, Makakalikasan at Makabansa"
"tawa jan sewi en jan en nasin en ma"
kalama musi lawa: Lupang Hinirang

ma Pilipina.svg
ma tomo lawa ma tomo Manila
toki lawa toki Pilipina
toki Inli
toki pi wan ma toki 19
[o open/weka]
mani mani Peso
jan jan Pisaja (33.7%)
jan Takalo (24.4%)
jan Iloko (8.4%)
jan Pikula (6.8%)
jan ante (26.2%%)

ma Pilipina li ma lon ma Asija. ma Pilipina li insa e ma lon telo 7,641. kulupu pi ma Pilipina li ma Luson li ma Pisaja li ma Mintanaju. mute jan pi nanpa wan lon ma Pilipina li ma tomo Keson.

toki lawa pi ma Pilipina li toki Pilipina li toki Inli. taso ona li poka e toki ante mute. toki Pilipina luka tu wan lawa li toki Takalo li toki Pisaja li toki Iloko li toki Ilonko li toki Pikula li toki Walaje li toki Panpanko li toki Pankasinan.

toki Pilipina la nimi ona li Pilipinas. toki Inli la nimi ona li Philippines. mani Pilipina li mani Peso. ma Pilipina li poka e telo suli. ma Pilipina li seli. ma tomo lawa pi ma Pilipina li ma tomo Manila. tenpo pini la ma Mewika en ma Epanja li lawa e ma Pilipina.

tenpo pini pi ma Pilipina[o ante | edit source]

sitelen pi supa kiwen Lakuna li sitelen pi tenpo suli nanpa wan lon ma Pilipina.

tenpo open la jan Nekito li kama lon ma Pilipina. jan Asonesija li kama kin tan ma Tawan. ona mute li pali e kulupu jan mute. toki Pilipina la ni li "barangay". jan Sonko en jan Palata en jan Alapi li tawa ma ni. ma ni li kama ma esun suli.

tenpo pi lawa Epanja[o ante | edit source]

tenpo sike 1521 la jan Ferdinand Magellan li kama li pana e ma Pilipina tawa ma Epanja li moli lon utala Matan. tenpo sike 1565 la jan Mike Lekapi li kama e lawa Epanja.

ma Pilipina li lon anpa ma Nuwapanja li kama ma esun suli pi lon suno weka. tomo tawa telo Kalejon Manila li pali. tenpo lon insa tenpo sike 1565-1815 la tenpo sike ale la ni li tawa ma tomo Akapuko li tawa ma tomo Manila.

ma Epanja li pini e utala mute. utala tawa ma Netelan en utala tawa jan pi nasin sewi Silami li lili mute e mani. ma Piten li lawa e ma tomo Manila lon insa tenpo sike 1762-1764 tan ni: ma Epanja li linja pona e ma Kanse. taso ma Epanja li lawa sin e ma Pilipina kin tan lipu pi pilin sama.

ma Mesiko li weka e lawa Epanja la ma Pilipina li kama lon anpa ma tomo Mateli. ni li kama e ni: jan lawa li ike e wawa. ma Epanja li ken ala mama e ma Pilipina lon insa tenpo sike 1850.

jan 3 pi pali sewi li moli tan ni: jan lawa li pilin sona e ni: ona mute li open e utala. pilin wawa Pilipina li kama. jan Ose Lisala li sitelen e ni: jan lawa li ike e wawa. taso ma Epanja li moli e jan Lisala. jan Andrés Bonifacio li open e kulupu utala pi sona pimeja. nimi ni li Katipunan. kulupu ni li open e utala pi lawa Pilipina. tenpo suno 12 pi tenpo mun 6/1898 la ma Pilipina li weka e lawa Epanja lon ma tomo Kapite. tenpo sike 1898 la utala pi ma Epanja en ma Mewika li kama.

tenpo pi lawa Mewika[o ante | edit source]

ma Epanja li pana e ma Pilipina tawa ma Mewika. ma Pilipina en ma Mewika li utala. ma Mewika li moli e jan Pilipina mute. ma Suku li utala e ma Mewika. taso ma Mewika li kama lawa e ma Suku. ma Mewika li wawa ike e ma Pilipina la ma Mewika li pali e toki nasa pi ante sona.

ma Mewika li pana e lawa lili tawa ma Pilipina. jan Keson li kama jan lawa li ken e toki lawa. meli li ken anu e jan lawa kama.

utala suli pi nanpa tu[o ante | edit source]

ma Nijon li lawa e ma Pilipina. kulupu utala Upalapa li utala e lawa Nijon. ma Nijon li pali e ike utala mute. tu ni li moli mute Manila li tawa noka moli Patan. wawa utala Mewika li weka e lawa Nijon.

tenpo pi lawa Pilipina[o ante | edit source]

jan Wamon Masasaje li pini e utala Upalapa li open e tomo Malakanjan tawa jan ale. tenpo sike 1965 la jan Pesinan Mako li kama jan lawa Pilipina.

tenpo pi lawa Mako[o ante | edit source]

tenpo sike 4 pi nanpa 1 la mani pi ijo esun Pilipina li suli pi nanpa 1 lon ma Asija. mani la ma Pilipina li kama suli. tenpo pi pini pi tenpo sike 4 la ijo li kama ike. jan Mako en jan olin ona li ike e wawa e mani. ma Pilipina li lon anpa pi nasin lawa utala. tenpo sike 1986 la jan Mako li kama jan lawa kin. taso ni li lon ala. kulupu pi wile ante li tawa e jan Mako e jan poka ona tawa ma Awawi li kama e ni: jan Kolason Akino li lawa.

tenpo pi lawa Pilipina sin[o ante | edit source]

ni mute li ike tawa kama suli Pilipina: ma Pilipina li wile pana e mani mute. wawa ike li mute. jan mute li nasin pi sona lawa e sama pali. jan Molo li utala. nena suli Pinatupo li pana e ko seli.

tenpo sike 2016 la jan Loliko Tutete li kama jan lawa. tenpo pini la ona li jan lawa pi ma tomo Tapaju. ona li wawa e linja tawa ma Sonko en ma Losi. ona li open e kulupu utala tawa ilo nasa. kulupu pakala Majute li utala lon ma tomo Malawi. taso utala ni li pini lon tenpo suno 23/8/2020.

ma[o ante | edit source]

kulupu ma wan ma nimi lawa
ma Luson wan ma lawa
wan ma Iloko wan ma I
wan ma Kolijela
anpa nena Kakajan wan ma II
insa Luson wan ma III
wan ma Kalapalison wan ma IV-A
wan ma Mimalopa wan ma IV-E
wan ma Pikula wan ma V
ma Pisaja suno pini Pisaja wan ma VI
insa Pisaja wan ma VII
suno open Pisaja wan ma VIII
ma Mintanaju ma nena Senpanka wan ma IX
lete Mintanaju wan ma X
wan ma Tapaju wan ma XI
wan ma Sokosasen wan ma XII
wan ma Kalaka wan ma XIII
wan ma Pansamolo wan ma lawa Pansamolo pi Mintanaju SIlami
▶︎A

af - da - de - en - eo - es - et - fr - he - ja - ms - nl - no - pl - pt - ru - sl - sv - tl - zh-cn - zh-tw

Community content is available under CC-BY-SA unless otherwise noted.