ni li len sitelen pi ma Po
ma Po li lon ma Asija. tenpo ni la ona li lon ma Sonko. ni li ike tawa jan Po. jan lawa pona pi ma Po li jan Tale Lama. ma Po li jo e kipisi ma pi tu wan (3) e དབུས་གཙང་ ma Ü-tsang (Usan) e ཨ་མདོ་ ma Amdo (Anto) e ཁམས་ ma Kham (Kan). nena ma sewi li lon selo pi ma Po li lon ma Usan. ma Po la jan li toki e བོད་སྐད་ toki Po anu 普通话 toki Sonko Putonwa. ma Po lon toki Po li བོད་ /pʰøː˨˧˩/
ma
ma li lon insa pi ma Asija. ona li ma sewi mute. nena ma sewi mute (ཇོ་མོ་གླང་མ nena ma Somoluma anu Mount Everest) li lon selo pi ma Po li lon selo pi ma Nepalu.
ma Po lon ma Asija
Kipisi pi ma Sonko
sike suno 1950 - 1951 (tenpo kama pi jan Isa) la ma Sonko li utala e ma Po li wawa e ma Po. jan Tale Lama li tawa ma tomo धर्मशाला Dharmashaalaa (Tamasala) lon ma Palata. tenpo kama pi utala la lawa Sonko li moli e jan Po mute e ma Po.
tenpo ni la ma Po Sonko li kipisi lili pi ma Po li ma Usan li kipisi pi ma Kan.
jan li toki ike tawa ma Sonko, li toki e ni "ma Po wile lawa e ma Po" la lawa Sonko li weka anu moli e ona.