Wikipesija

lipu Wikipesija sin li lon wikipesija.org.

New Toki Pona Wiki is now at wikipesija.org.

Nova tokipona Vikio estas nun je wikipesija.org.

READ MORE

Wikipesija
Register
Advertisement
File:tawaanpateloWepi.JPG

tawa telo anpa We Pi lon ma Sisi

ma pi jan ala Sisi li lon ma kasi Penke lon ma Alapama lete pi ma Mewika. toki Inli la, nimi li Sipsey Wilderness. sina ken ala tawa kepeken ilo tawa lon ma pi jan ala. sina ken tawa kepeken noka taso.

sona ma

File:kulepitelotawaSisi.jpg

kule nasa pi telo tawa Sisi

ma pi jan ala Sisi li ma pi nena lili. telo tawa li lon lupa pi telo tawa. ma li jo e tawa anpa telo mute tan ni.

kule pi telo tawa li nasa lon ma ni. telo li laso laso jelo walo.

kasi en akesi en soweli en pipi en kala

ma pi jan ala Sisi li jo e kasi suli mute e soweli mute e akesi mute e pipi mute mute. ma li jo e akesi linja mute.

kasi suli li suli pi nanpa wan lon ma Alapama li lon ma pi jan ala Sisi. kasi suli ni li poka tawa anpa telo Isi Pi.

File:mapijanalaSisi.JPG

nena en kasi suli lon ma pi jan ala Sisi

tenpo pini

tenpo pini mute la, jan pi ma Mewika lete li utala e jan pi ma Mewika suli. jan li lon li wile ala utala. ona li weki e ma lili Winson tan ma Alapama tawa ni: ona li wile utala ala. jan utala pi ma Alapama li wile pali e ni: ona li utala. jan pi ma lili Winson li tawa weka tawa ma pi jan ala Sisi tawa ni: ona li ken utala ala.

tenpo li tawa. jan li tu e kasi suli lon ma pi jan ala Sisi li weka e ona mute. jan li weka e kasi suli mute. tenpo li tawa. jan li pilin ike tan ni: jan li weka e kasi suli tan ma pi pona lukin. ona li pali e ni: ma Sisi li kama ma pi jan ala.

tenpo ni la, kasi suli sin li suli. jan li weka e kasi suli ali ala. kasi suli li lon li suli mute.

Advertisement