| Header cell | Header cell |
|---|---|
| Content cell | Content cell |
ma tomo Kolon (toki Tosi la: "Köln" [kʰœln], toki pi ma tomo Kolon la: "Kölle" [ˈkœlə]) li ma tomo suli lon ma Tosi lon wan ma "NRW" (ni li ma pi telo Lin lon poka pi nasin suno ala en ma pi kulupu "Pale" lon poka pi lape suno. toki Tosi la: "Nordrhein-Westfalen). ma tomo ante li jo e jan mute anu jan lili, ma tomo Kolon li jo e jan mute mute. nanpa jan pi ma tomo Kolon li jan 1.09 x 10^6 (jan mute mute). ma tomo Kolon li tomo suli mute lon telo Lin, lon ma tomo suli "Len-Lu" (toki Tosi la: "Rhein-Ruhr-Metro"). ona li ma tomo suli nanpa tu tu pi ma Tosi. insa pi ma tomo Kolon li lon poka telo Len pi lape suno, taso ma tomo Kolon li lon poka tu pi telo ni. jan ale lon ma tomo Kolon li ken toki e toki Tosi, taso ona li jo e toki wan; toki pi ma tomo Kolon (toki Tosi la: "Kölsch" [kʰœlʃ], toki pi ma tomo Kolon la: "Kölsch" [kœɫːɕ]). ma tomo lon poka pi ma Tomo kolon li: ma tomo Pon li ma tomo Tuseto li ma tomo Lepakusen.
tomo sewi pi ma tomo Kolon ("Kölner Dom") li lon ma tomo Kolon. tomo ni li tomo lawa pi sewi Katoli lon ma tomo Kolon. tomo sona pi tenpo mute lon ma Elopa li lon.
tenpo pini mute la jan pi ma Loma li pali e ma tomo ni lon ma wan. nimi pi ma ni li "ma Upi" (Ubii). tenpo pini la nimi pi ma tomo Kolon li "Colonia Claudia Ara Aggripensium". nimi Kolon li tan nimi pi tenpo pini "Colonia". tenpo pini la (en) tenpo ni la ma tomo Kolon li esun suli. tenpo pini la ma Kanse en ma Juke li jo e wawa lon ma Kolon. utala suli nanpa tu la kulupu utala pi ma Juke li pakala e poka mute lon ma tomo.
tenpo sin/ni la ma tomo Kolon li jo e tomo sona e tomo musi mute.