ma tomo Pon li ma tomo lon ma Tosi. ona li ma tomo pi sike suno mute, taso tenpo pini mute la ma tomo Pon li lon ma Loma. tenpo pini la ona li ma Tosi ala. telo Lin li lon tomo Pon. ona li telo pi suli tawa jan lon ma Pon en jan lon ma Linlan.
ma pi ma tomo Pon li seme?
ona li lon ma Linlansi. tenpo seli la ona li seli mute. taso tenpo lete la ona li lete mute ala. ma tomo li lon poka pi ma tomo Pon li ma tomo Kolon en ma tomo Kopilensi en ma tomo Aken en ma tomo Siken. ma tomo Pon li jo e nena lon poka pi nasin suno. taso ona li jo ala e nena lon poka pi nasin suno ala. ma tomo Pon li jo e ma tomo lili tu tu. ona li ma tomo lili Asipeki (Hardtberg) li ma tomo lili Pon (Bonn) li ma tomo lili Pasi Kotesipeki (Bad Godesberg) li ma tomo lili Poje (Beuel). ma tomo lili Poje li ma tomo lili taso lon poka pi suno ala.
musi lawa
jan suli pi tomo Pon li jan Kasija Tona (Katja Dörner). ona li lon kulupu pi nasin lawa Grüne (kulupu jelo kasi). kulupu pi nasin lawa mute li lon tomo lawa. kulupu "Volt" en "Die Linke" en kulupu "SPD" en kulupu "Grüne" li jo e wawa mute, kulupu "AfD" en kulupu "CDU" en kulupu "FDP" li jo e wawa lili.
ijo suli
ma tomo Pon li tomo pi soweli suwi Alipo (t.T. Haribo). ma tomo pon li jo e tomo pi kama sona suli. nimi ona li tomo pi kama sona suli Piteliki Pilen (Friedrich-Wilhelm-Universität lon toki Tosi). ma tomo Pon li jo e tomo suli tawa lipu sona sin (Post Tower). ona (ma tomo Pon) li tomo pi lipu sona sin lon ma Tosi.
jan suli
jan Lusipiki Pan Petopen (t.T. Ludwig van Beethoven) li tan ma tomo Pon.
- t.T. li "lon toki Tosi".