mi ante e: nasin Konse | Wikipesija

nasin sewi Konse li nasin sewi tan [[ma Sonko]]. toki Sonko la nimi ona li 儒家(rujia). ona li kama tan toki pi jan {{luka|nimi pi toki ante = Confucius|nimi pi toki pona = Konse}}. ona li ken kama tan lipu pi tenpo pini tan ma Sonko. nasin ni li pana e sona mute tawa lawa pi [[ma Sonko]].

jan Konse li pilin e ni:


jan ale li ken kama tawa pona.


o pana pona e ale.

sina wile ala e ijo la o sina pana ala e ijo ni tawa jan ante.

o olin e kulupu mama. o kute tawa jan suli tan ni. o pana pona e jan suli mute tan ni. jan pi kulupu mama li moli la o pilin ike. kulupu mama sina li mama tawa kulupu ale. 

sina ken pana e moku tawa kon pi jan mama. tan ni la sina ken pali e olin pi kulupu mama.

o tawa monsi e lawa pona.

o pilin pona tawa lipu pi tenpo pini. sina ken kama jo e soma mute tan ona.

o kepeken e nimi tawa lon.

lawa li wile e lawa tan sewi.

lawa li pona tan ni: jan kepeken lawa la jan li pilin pona. jan kepeken ala lawa la jan li pilin ike. lawa li pona tan ala ni: jan tawa monsi ala e lawa la lawa li utala e ona.

o pali e sona sina. o pali e pona sina. tenpo ale la o pali e sina. tan ni la sina ken kama tawa ni: jan pi lawa pona. nimi ni lon toki Sonko li 君子(junzi).
[[File:Jiangyin wenmiao dachengdian.jpg|thumb|220x220px]]
[[File:Temple rooftop dragon in Taiwan (1).jpg|thumb|220x220px]]
[[Category:Nasin sewi]]