nasin sewi Puta

lipu ni li sin ala.
lipu Wikipesija li tawa tan ma Fandom tawa ma sin. o lukin e lipu ni lon ma sin.

This is an old article.
lipu Wikipesija has moved from Fandom to a new site. The current version of this article can be found here on the new site.

kiwen jan pi jan Puta

nasin sewi Puta li nasin sewi. tenpo pini la jan Puta li pana e nasin ni. nasin pi nasin sewi Puta li tu wan. nasin sewi Puta Selapata li lon ma Asija seli. nasin sewi Puta Mawajana li lon ma Asija lete. nasin sewi Puta Pasayana li lon ma Sipeto en ma Nijon.

nasin sewi Puta li suli nanpa tu tu lon ma ale.

sona pana

sona lon tu tu li ni:

1. pilin ike li lon. nimi ona li Tuka ('dukkha')
2. tan pi pilin ike li lon. nimi ona li Samutaja (samudaya)
3. pini pi pilin ike li lon. nimi ona li Nilota (nirodha)
4. nasin pini pi pilin ike li lon. nimi ona li Maka (magga)

nasin sona Puta li ni:

1. lukin pona: o kama sona e sona lon tu tu.
2. wile pona: o wile pona e sona e sijelo e wile kulupu kepeken nasin pona.
3. toki pona: o toki kepekenike ala kepeken mute ala kepeken sona lon.
4. pali pona: o pali pona. o pali ala tan pilin ike tawa jan ante.
5. nasin pona: opakala ala e sina e jan ante.
6. wile pali pona: o pali tawa pona.
7. sona pona: o lukin kepeken sona sina e ni: ilo li ilo taso.
8. wile sona pona: o sona, o pana e sijelo mi sona.

kama lon

kama lon li nimi tawa jan Puta nimi. kama lon li "Bodhi" lon toki Sankitu. jan pi kama lon li "Buddha" lon toki Sankitu. kama lon li pilin ni: sina kama sona. tenpo pi kama lon, jan Puta li weka sike lon. sike lon li ni: jan li lon ma li moli lon ma.

wile pi sike lon

wile pi sike lon li "Karma" lon toki Sankitu. jan Puta li toki e ni: "jan nasin o, wile pi sike lon li wile pali. sina wile la, sina pali kepeken sijelo en toki en sona" (Nebbedhika Sutta). jan Puta li toki kin e ni: "wile pi sike lon jan li jo e wile pi sike lon ona. jan ni li lon tan wile pi sike lon ona. jan ni li awen poka wile pi sike lon ona."