FANDOM


File:sijelo jan.jpg
ijo mute pi sijelo jan li sama sijelo pi soweli ali. taso ijo mute lili li ante.

soweli mute li jo e noka tu tu. taso jan li ante. ona li jo e noka tu e luka tu. jan li tawa lon noku tu ona. taso jan li ken tawa kin kepeken luka ona.

jan li jo kin e lawa wawa. jan li ken pali e ijo mute kepeken lawa ona: ona li ken toki li ken wile sona li ken pilin. jan mute li pilin kin e ni: jan li kama tan jan sewi wawa li jo e kon nasa. jan li ken toki e pilin ona lon toki musi.

linja jan li pimeja anu jelo anu loje. jan li kama suli mute la linja ona li kama walo pimeja anu walo.

oko jan li pimeja anu laso. oko pi jan ante li jelo anu kule mute.

selo jan li ken pimeja anu walo.

meli en mijeEdit

​​​​​sijelo mije li ante sijelo meli. sijelo mije mute li suli. sijelo meli mute li suli ala. taso ante mute li lon. jan ali li ante. jan tu li sama ala.

mije li jo e linja selo mute. meli li jo e linja selo lili. tenpo ni la kulupu jan mute li pilin e ni: linja selo meli li ike li wile weka. ijo ante li pona tawa jan ante. tan ni la jan li ken pali e ijo pi pona ona. jan li kama suli la linja ona li ken weka.

ni li pona tawa meli mute: linja lawa ona li suli mute.

tenpo piniEdit

tenpo pini la jan li lon ma ante. tan ni la sijelo ona li ante. jan li lon ma pi suno mute la selo ona li kama pimeja tan ni: suno mute li ike tawa selo walo li ken seli e ona. jan li lon ma pi nena suli la poki kon ona li kama pona.

tenpo ni la jan li ken lon ma ali. ma pi telo ala en ma pi telo mute en ma pi lete mute en ma pi seli mute en ma tomo mute li pona tawa jan.


namako sijeloEdit

jan li ante soweli tan ni: jan li len e sijelo ona. kin la jan li pini anu weka e linja ona.

jan li ken kin ante e sijelo ona. jan mute li jo e ijo namako lon nena kute ona. 

Community content is available under CC-BY-SA unless otherwise noted.