FANDOM


sitelen ma pi kulupu mama toki

kulupu mama pi toki mute

toki li ilo sona jan. jan li ken toki e ijo wan kepeken toki uta anu toki luka anu toki pilin anu toki sitelen.

toki li jo e nimi e nasin pi kulupu nimi. jan li kulupu e nimi pi toki la, ona li ken pana e sona anu pilin anu wile ona tawa jan ante.

toki pi kulupu janEdit

jan li sona e toki pi jan ante la ona li ken toki tawa ona anu kute e toki ona. toki mute li lon:

sina ken lukin kin e nimi pi toki mute.

jan sona li wan e toki mute lon kulupu toki.

toki janEdit

toki jan li wan e ona li ante toki soweli.

toki jan li jo e nimi. jan li ken kepeken e nimi ni li toki e ijo sin. toki jan li ken toki e ijo pi tenpo pini anu ijo pi tenpo kama.

tan tokiEdit

toki mute li kama tan kulupu jan suli. o pilin e toki Kanse e toki Inli. tenpo suli pini la kulupu jan suli li pali e toki ni. jan sona li wile sona e ni: kulupu jan suli li pali e toki kepeken nasin seme?

taso nasin ante li ken pali kin e toki. jan wan li ken pali e toki sin. o pilin e toki Epelanto e toki pona. jan Sameno li pali e toki Epelanto. jan Sonja li pali e toki pona.

sitelen tokiEdit

jan li ken sitelen e toki lon lipu. tenpo ni la sina lukin e sitelen toki. jan pi toki Elopa mute li kepeken e nasin sitelen Lasina. lipu ni li kepeken kin e nasin sitelen ni. taso nasin sitelen ante li lon: jan li ken kepeken e nasin sitelen Alapi e nasin sitelen Apateto e nasin sitelen Anku e nasin sitelen ante.

Community content is available under CC-BY-SA unless otherwise noted.