toki li ilo sona jan. toki ken kepeken e kalama e luka e sitelen. toki li jo e nimi e lawa pi kulupu e nimi. jan li kulupu e nimi pi toki la, ona ken pana e sona ona anu pilin ona anu wile ona tawa jan ante.
toki pi kulupu jan
sina sona e toki pi jan, sina ken toki tawa ona, anu kute e toki ona. toki mute li lon:
|
sina ken lukin kin e nimi pi toki mute.
jan sona li wan e toki mute lon kulupu toki.
toki li tan seme?
toki mute li kama tan kulupu jan suli. o pilin e toki Kanse e toki Inli. tenpo suli la kulupu jan suli li pali e toki ni. jan sona li wile sona e ni: kulupu jan suli li pali e toki kepeken nasin seme?
taso nasin ante li ken pali kin e toki. jan wan li ken pali e toki sin. o pilin e toki Epelanto e toki pona. jan Sameno li pali e toki Epelanto. jan Sonja li pali e toki pona.
sitelen toki
jan li ken sitelen e toki lon lipu. tenpo ni la sina lukin e sitelen toki! jan pi toki Elopa mute li kepeken e nasin sitelen Lasina. (lipu ni li kepeken e nasin sitelen ni.) taso nasin sitelen ante li lon: sina ken kepeken e nasin sitelen Alapi e nasin sitelen Elena e nasin sitelen ante.