lipu ni li sin ala.
lipu Wikipesija li tawa tan ma Fandom tawa ma sin. o lukin e lipu ni lon ma sin.
This is an old article.
lipu Wikipesija has moved from Fandom to a new site. The current version of this article can be found here on the new site.
kulupu mama pi toki mute
toki li ilo sona jan. jan li ken toki e ijo wan kepeken toki uta anu toki luka anu toki pilin anu toki sitelen.
toki li jo e nimi e nasin pi kulupu nimi. jan li kulupu e nimi pi toki la, ona li ken pana e sona anu pilin anu wile ona tawa jan ante.
toki pi kulupu jan[]
jan li sona e toki pi jan ante la ona li ken toki tawa ona anu kute e toki ona. toki mute li lon:
|
sina ken lukin kin e nimi pi toki mute.
jan sona li wan e toki mute lon kulupu toki.
toki jan[]
toki jan li wan e ona li ante toki soweli.
toki jan li jo e nimi. jan li ken kepeken e nimi ni li toki e ijo sin. toki jan li ken toki e ijo pi tenpo pini anu ijo pi tenpo kama.
tan toki[]
toki mute li kama tan kulupu jan suli. o pilin e toki Kanse e toki Inli. tenpo suli pini la kulupu jan suli li pali e toki ni. jan sona li wile sona e ni: kulupu jan suli li pali e toki kepeken nasin seme?
taso nasin ante li ken pali kin e toki. jan wan li ken pali e toki sin. o pilin e toki Epelanto e toki pona. jan Sameno li pali e toki Epelanto. jan Sonja li pali e toki pona.
sitelen toki[]
jan li ken sitelen e toki lon lipu. tenpo ni la sina lukin e sitelen toki. jan pi toki Elopa mute li kepeken e nasin sitelen Lasina. lipu ni li kepeken kin e nasin sitelen ni. taso nasin sitelen ante li lon: jan li ken kepeken e nasin sitelen Alapi e nasin sitelen Apateto e nasin sitelen Anku e nasin sitelen ante.