Wikipesija

unpa li ni: sijelo li pilin e sijelo. ni li pilin pona. jan en soweli en akesi en waso en kala en pipi li pilin e wile wawa pi pali unpa. jan li kepeken unpa tawa pali e jan sin. jan li ken unpa kin tan ni: ona li musi.

unpa li ken kepeken e palisa e lupa e ante.

unpa jan[]

unpa pi jan tu anu jan mute[]

tan mute pi pali unpa li lon. jan mute li wile musi. jan mute li olin li wile pilin e sijelo pi jan olin ona. jan li wile kama jo e jan lili.

nasin mute li lon. tenpo mute la jan li pilin e lupa meli anu palisa mije. tenpo pi kama jo e jan lili la jan li kepeken lupa meli li kepeken palisa mije. nasin mute lili li lon ni:

  • unpa uta
  • unpa luka
  • unpa pi lupa monsi
  • unpa kepeken ilo
  • unpa toki

unpa pi jan wan[]

jan wan li unpa tan musi. tenpo mute la unpa luka li pilin e palisa anu lupa anu nena mama kepeken luka. kin la jan li kepeken ilo. ilo unpa li palisa anu lupa anu ante mute.